Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • Jahon | 12:01 / 26.06.2016
    17719
    2 daqiqa o‘qiladi

    Oyatulloh Xomaneiy: IShID Eronni yo‘q qilish uchun tashkil etilgan

    Eron diniy rahbari oyatulloh Ali Xomaneiyning fikricha, IShIDni tashkil qilganlarning bosh maqsadi Eronni barbod etish bo‘lgan.

    "IShID terrorchi tashkilotiga Eronni yo‘q qilish maqsadida asos solingan. Iroq va Shom (Suriyaning tarixiy nomi) egallanishi bu maqsad yo‘lidagi birinchi bosqich. Lekin bu urushda Eronning dushmanlari mag‘lub. Ular Eron Islom Respublikasining nechog‘liq qudratli ekanini to‘g‘ri chamalay olishmagandi. Eron o‘zini tiz cho‘ktirmoqchi bo‘lganlarni tiz cho‘ktiradi", deya qayd etgan Xomaneiy Tehronda o‘tkazilgan 7-tir voqealari qurbonlari xotirasi uchun tashkil etilgan marosim vaqtida.

    1981 yilning 28 iyunida (Eron yil taqvimi bo‘yicha 7-tir) Islom Respublikasi partiyasi (IRP) qarorgohida portlash sodir etilgan. Bu terakt uchun javobgarlikni Eron xalq mujohidlari tashkiloti (EXMT) o‘z zimmasiga olgan. Bu hujum natijasida eronlik 70 nafar siyosatchi halok bo‘lgan. Ular orasida partiya bosh kotibi, Eron sud hukumati rahbari oyatulloh Muhammad Behishtiy ham bo‘lgan. O‘tgan asr oxirida EXMT tomonidan eronlik rasmiy amaldorlarga bir qator hujumlar uyushtirilgan. Eron hukumati G‘arb tomonidan mamlakatning terrorchilarni qo‘llab-quvvatlashi haqidagi da'volariga javoban Eron teraktlardan jabrlanuvchi davlat ekanini aytib keladi.