Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • Sport | 10:09 / 13.08.2016
    8747
    2 daqiqa o‘qiladi

    Singapurlik suzuvchi Maykl Felpsni oltindan mahrum etdi

    Singapurlik suzuvchi Jozef Skuling 100 metrga batterflyay usulida suzish bo‘yicha Olimpiada-2016ning oltin medaliga sazovor bo‘ldi. 

    Jozef final bosqichida 50.39 soniya natija ko‘rsatib, barcha raqiblarini ortda qoldirishning uddasidan chiqa oldi. Shu bilan u yangi Olimpiya rekordini ham o‘rnatdi. Olimpiya o‘yinlari tarixida ilk marotaba birdaniga uch sportchi: 22 karra Olimpiada o‘yinlari chempioni amerikalik Maykl Felps, janubiy afrikalik Chad le Klo va Vengriya vakili Laslo Chex (barchasi - 51.14 soniya) ikkinchi o‘ringa sazovor bo‘lgan. 

    Skuling 2015-yilgi jahon chempionatining bronza medali sovrindori hisoblanadi. Bundan tashqari, 2014-yilgi Osiy o‘yinlarida g‘olib bo‘lgan. Suzuvchi 2012-yilgi London Olimpiadasida ham Singapur sharafini himoya qilgan. Biroq, o‘shanda Jozef 26-o‘rin bilan kifoyalangan edi. 

    Suzuvchi shu bilan yana bir tarixiy natijani qayd etgan. U, 1948-yildan Olimpiya o‘yinlarida qatnashib keladigan Singapur milliy terma jamoasi tarixidagi ilk oltin medal sohibiga aylangan.