O‘zbekiston va Tojikiston o‘smirlari o‘rtasidagi o‘yinda ommaviy mushtlashuv ro‘y berdi
Rossiyaning Bratsk shahrida o‘smirlar o‘rtasida «Hamdo‘stlik kubogi-2016» musobaqasi bo‘lib o‘tdi. O‘zbekiston va Tojikiston vakillari ishtirokidagi final bahsida janjal kelib chiqqan.
Hisob tojikistonliklar foydasiga 2:1 holida davom etayotganida, tojikistonlik futbolchilaridan biri raqibga nisbatan ruxsat etilmagan so‘zlarni ishlatgan. Natijada ikki futbolchi mushtlashib ketgan. Keyinchalik janjal kattalashib, unga barcha futbolchilar qo‘shilgan. Tez orada murabbiylar va muxlislar ham ularni ajratish uchun maydonga tushib kelgan.
Politsiya aralashuvidan keyingina janjal bartaraf etilgan. Lekin o‘yinni davom ettirish imkoniyati bo‘lmagan va kubok egasi aniqlanmasdan qolgan.
Bu yil Bratskda bo‘lib o‘tgan musobaqada Tojikiston, O‘zbekiston, Armaniston, Qirg‘iziston, Rossiya, Ozarboyjon jamoalari ishtirok etdi.
Qayd etish kerakki, Bratskda tashkil qilingan ushbu kubokning asl maqsadi – shaharda yashayotgan turli Hamdo‘stlik mamalakatlari diasporalari orasidagi do‘stona munosabatlarni kuchaytirish edi.
Mavzuga oid
22:34 / 11.09.2024
Tojikiston muftiysi hujumga uchradi
21:41 / 10.09.2024
Tojikiston o‘z fuqarolariga Rossiyaga safar qilmaslikni tavsiya etdi
20:00 / 02.09.2024
Imomali Rahmon bolalar va o‘qituvchilarni o‘zini kutib olish tadbirlariga chaqirishni taqiqladi
08:47 / 30.08.2024