Oqsaroy qarorgohi Islom Karimov muzeyi sifatida faoliyat boshlashi kutilmoqda
O‘zbekistonning birinchi prezidenti Islom Karimov uchun xotira muzeyi Toshkent shahridagi Oqsaroy qarorgohi hududida barpo etilmoqda. Bu haqda "Feysbuk" ijtimoiy tarmog‘idagi «Deti Karimova» nomli guruhda xabar qilingan.
Xabar qilinishicha, ochilish marosimi Islom Karimov tug‘ilgan kun - 30 yanvarda bo‘lib o‘tadi.
«Kun» manbalarining ma'lumotiga ko‘ra, qarorgoh hududida keyingi vaqtlarda faol ravishda ta'mirlash ishlari olib borilmoqda.
Oqsaroyning muzeyga aylantirilishi haqida o‘tgan oyda ham xabarlar tarqatilgandi.
Mamlakatning yangi prezidenti Shavkat Mirziyoyev esa Mustaqillik maydonidagi Senat binosining ikkinchi qavatida ishlaydi. U ayni vaqtda mehmonlarni shu yerda qabul qilmoqda.
2 yil ichida yangi prezident uchun yangi qarorgoh qurilishi mumkinligi haqida xabarlar mavjud. Ushbu qarorgoh qayerda barpo etilishi borasida xabarlar mavjud emas.
Oqsaroy 2004 yildan buyon marhum prezident Islom Karimovning asosiy ish joyi bo‘lib kelgandi. Prezident ushbu saroydan asosan chet ellik yuksak martabali mehmonlarni qabul qilishda foydalangan.
Yangi prezidentga yangi qarorgoh barpo etilishi mumkin
Mavzuga oid
13:30 / 02.09.2024
Foto: Shavkat Mirziyoyev Islom Karimov haykali poyiga gulchambar qo‘ydi
20:03 / 26.08.2024
Shavkat Mirziyoyev Imom Buxoriy majmuasini ziyorat qilib, qurilish ishlari bilan tanishdi
00:11 / 18.08.2024
Germaniyadagi muzeydan o‘g‘irlab ketilgan 124 mln dollarlik taqinchoqlar vataniga qaytarildi
10:23 / 24.06.2024