Malayziya Shimoliy Koreya bilan vizasiz tartibni bekor qilmoqda
Malayziya 6 martdan Shimoliy Koreya fuqarolari uchun vizasiz tartibni bekor qilmoqda.
Reuters’ning Malayziya bosh vaziri o‘rinbosari Ahmad Zohid Hamidiga asosan xabar berishicha, Shimoliy Koreya fuqarolari Malayziya hududiga kirishlari uchun viza olishlari kerak bo‘ladi.
Xabar qilinishicha, ushbu qaror Malayziya hududida Kim Chen Namning o‘ldirilishidan so‘ng qabul qilingan.
Avvalroq Malayziya prokuraturasi Kim Chen Namning qotilligi bo‘yicha ikki shaxsga ayblovlar qo‘ygani haqida xabar bergandik.
13 fevral kuni Kuala-Lumpur aeroportida ikki ayolning hujumidan so‘ng erkak hayotdan ko‘z yumdi. Malayziya hukumati halok bo‘lgan shaxs KXDR yetakchisi Kim Chen Inning akasi Kim Chen Nam ekanini tasdiqladi. Shu bilan birga, genetik tahlil hozircha o‘tkazilmadi.
Kim Chen Namning yuzidan ekspertlar VX asab-falajlovchi zaharli modda izlarini topishdi.
Mavzuga oid
07:50 / 20.09.2024
Malayziya O‘zbekistonda dronlardan foydalanish ko‘lamini kengaytiradi
11:20 / 19.09.2024
Shimoliy Koreya yana raketa sinovlarini o‘tkazdi
09:48 / 12.09.2024
Shimoliy Koreya yana ballistik raketalar uchirdi
14:33 / 10.09.2024