Yevropa tiklanish va taraqqiyot banki prezidenti O‘zbekistonga kelmoqda
15 mart kuni Yevropa tiklanish va taraqqiyot banki (YeTTB) prezidenti Suma Chakrabarti boshchiligidagi delegatsiya O‘zbekistonga tashrif buyuradi. Bu haqda O‘zbekiston Tashqi ishlar vazirligi matbuot xizmati xabar bermoqda.
«Tashrifdan maqsad O‘zbekiston va YeTTB o‘rtasidagi hamkorlik holati va uni rivojlantirish istiqbollarini muhokama qilishdan iborat», — deyilgan TIV xabarida.
Fevral oyining birinchi yarmida YeTTBning Markaziy Osiyo va Rossiya bo‘yicha ijroiy direktori Natalya Xanjyenkova boshchiligidagi delegatsiya O‘zbekistonga tashrifini amalga oshirgandi.
Bank yetakchi mutaxassislaridan iborat 10 kishilik delegatsiya Toshkentda 5 kun davomida bosh vazir, tashqi ishlar vaziri va boshqa vazirlar bilan uchrashuvlar o‘tkazdi. Aynan shu tashrif vaqtida YeTTB prezidenti Suma Chakrabartining mart oyida O‘zbekistonga amalga oshiradigan tashrifiga tayyorgarlik ko‘rish masalalari muhokama etilgandi.
O‘zbekiston va YeTTB o‘rtasida 1992 yilda aloqa o‘rnatilgan, ammo 2003 yildan boshlab bank O‘zbekistonga kredit ajratishni kamaytirgandi. 2007 yilda esa mamlakatdagi loyihalar uchun kredit mablag‘lari ajratilishi butunlay to‘xtatildi.
Yevropa tiklanish va taraqqiyot banki O‘zbekistonga qaytishi mumkin
Mavzuga oid
07:53 / 30.08.2024
YeTTB O‘zbekistonda qayta tiklanadigan vodorod ishlab chiqarish uchun mablag‘ ajratadi
18:48 / 24.05.2024
YeTTB Markaziy Osiyo bo‘limiga yangi direktor tayinlandi
15:03 / 15.05.2024
YeTTB 2024 yilda Rossiyaning iqtisodiy o‘sishi prognozini 2,5 foizgacha yaxshiladi
22:40 / 02.05.2024