Sog‘liqni saqlash vaziri: “Hamshira endi olima bo‘lishi mumkin...”
12 may — Xalqaro hamshiralar kuni butun dunyoda, shu jumladan, O‘zbekistonda ham keng nishonlanadi. Ushbu sana munosabati bilan mamlakat Sog‘liqni saqlash vazirligida hamshiralik ishini yanada takomillashtirish borasidagi dolzarb vazifalarga bag‘ishlangan respublika anjumani bo‘lib o‘tdi. Videoselektor shaklida o‘tgan tadbirda tegishli davlat va jamoat tashkilotlari vakillari, Respublika ilmiy-amaliy tibbiyot markazlari va tibbiyot oliy o‘quv yurtlari olimlari, professor-o‘qituvchilar, poytaxt va viloyatlardagi klinikalarning bosh shifokorlari va O‘zbekistonning barcha hududlaridan hamshiralar ishtirok etdi. Anjumanni sog‘liqni saqlash vaziri Alisher Shodmonov ochib berdi. Bu haqda Sog‘liqni saqlash vazirligi Axborot xizmati xabar bermoqda.
A.Shodmonovning ta'kidlashicha, jahondagi ilg‘or tajribalardan kelib chiqib, O‘zbekistonda o‘rta va oliy ma'lumotli hamshiralar tayyorlash bo‘yicha o‘ziga xos tizim yaratilgan va bu jarayon uzluksiz takomillashtirilmoqda. Hozirgi kunda Toshkent Tibbiyot Akademiyasi va tibbiyot institutlarining “Oliy hamshiralik ishi” bo‘limlarida anesteziologiya va reanimatsiya, xirurgiya, akusherlik va menejment yo‘nalishlari bo‘yicha uch yarim mingdan ortiq oliy ma'lumotli bakalavr hamshira tayyorlandi, 100 nafardan ortiq hamshira magistr darajasiga ega.
— E'tiborli tomoni, endilikda hamshiralarimiz ilmiy ish qilib, olimlik darajasiga yetishlari uchun barcha imkoniyatlar yaratildi. Bu uchun hamshiradan faqat doimiy o‘z ustida ishlash, ilmga chanqoqlik talab etiladi, — deydi sog‘liqni saqlash vaziri.
Sog‘liqni saqlash vaziri A.Shodmonov Respublika o‘rta tibbiyot va dorishunos xodimlar malakasini oshirish hamda ularni ixtisoslashtirish markazi va uning hududiy bo‘linmalari tubdan isloh qilinayotgani, bugungi zamon talablari darajasida qayta shakllantirilayotganini ta'kidladi. Xususan, tez tibbiy yordam dispetcherlari va patronaj hamshiralar malakasini oshirish bo‘yicha o‘quv reja va dasturlari yangi tahrirda qayta ko‘rib chiqilib, tasdiqlandi. Shuningdek, hamshiralarning malaka oshirish bo‘yicha taqdim qilinadigan hujjatlarini onlayn tartibda qabul qilish jarayonlari boshlandi.
Mavzuga oid
09:10 / 21.09.2024
Tibbiyot muassasasiga hisobga qo‘yishda davlat xizmatini ko‘rsatish reglamenti tasdiqlandi
08:30 / 21.09.2024
O‘zbekiston va AEXA o‘rtasida yadro tibbiyoti sohasida bitim imzolandi
11:50 / 19.09.2024
Ish ko‘p, maosh kam: Yevropa shifoxonalarida “kadrlar inqirozi” yuz bermoqda
20:09 / 14.09.2024