OAV: AQSh Koreya yarim oroliga ikkinchi aviatashuvchi kemani yubordi
AQSh harbiy-dengiz kuchlarining "Ronald Reygan" aviatashuvchi kemasi Shimoliy Koreya tomondan raketa uchirilishidan keyin Koreya yarimorolida keskinlik kuchaygan bir paytda yarimorolga yo‘nalmoqda. Bu haqda CNN telekanali ikki nafar amerikalik harbiy amaldorga iqtibos keltirgan holda xabar berdi.
AQSh mudofaa vazirligi vakillarining ma'lum qilishicha, aviatashuvchi kema avvalroq mintaqaga yuborilgan "Karl Vinson" kemasi boshchiligidagi aviatashuvchi guruh bilan birgalikdagi mashg‘ulotlarda ishtirok etadi.
Ta'kidlanishicha, kema ekipaji turli mashg‘ulotlar o‘tkazadi, biroq "birinchi navbatda o‘z e'tiborini samolyotlarni xavfsiz uchirish va qabul qilishga qaratadi".
Avvalroq AQSh qurolli kuchlari mintaqada Shimoliy Koreya harbiy obektlariga istalgan vaqtda, jumladan "Tomagavk" raketalari bilan, zarba berishga imkoniyat beruvchi aviatashuvchi va suv osti kemalarini joylashtirishni deyarli yakunlagani ma'lum qilingandi.
Mavzuga oid
23:13 / 21.09.2024
Harris saylov kampaniyasida Trampdan uch barobar ko‘p mablag‘ to‘pladi - OAV
20:40 / 21.09.2024
Shimoliy Koreyaga qochib o‘tgan amerikalik askar sharmandalarcha armiyadan haydalgani ma’lum bo‘ldi
17:10 / 21.09.2024
AQShda “politsiyachi” robot jinoyatchini tutib berdi
16:27 / 21.09.2024