"O‘zbekneftgaz" ilk marotaba dengizdan neft qazib olishni yo‘lga qo‘ymoqchi
Prezident Shavkat Mirziyoyevning Turkmanistonga tashrifi davomida hamkorlar bilan muhim bir bitimga imzo chekildi. Bu haqida "O‘zbekneftgaz" MXK boshqaruvi raisi Alisher Sultonov ma'lum qildi.
"Ushbu bitimni juda ham noyob desak bo‘ladi, chunki birinchidan, "O‘zbekneftgaz" hech qachon geologiya-qidiruv ishlarini boshqa davlatlar hududida hali olib borganicha yo‘q.
Ikkinchidan, biz Kaspiy dengizi shelfidamiz - dengizda ishlash bo‘yicha bizda tajriba yo‘q, lekin qachondir boshlash kerak edi. Bu degani - bizning hududlarda qazish ishlarini olib boradigan korxonalarimiz o‘zining texnologik qudrati va kadrlar tayyorlashni yuqori darajaga ko‘tarishi shart bo‘ladi.
Uchinchidan, bu yerda qazib olingan neftning bir qismi O‘zbekistonga ketadi.
"O‘zbekneftgaz" O‘zbekistondan tashqariga, dengizga chiqmoqda. Hozirga qadar bunday bo‘lmagan. O‘zimizning zavodlarni arzon xom-ashyo bilan ta'minlash va imkon qadar neft mahsulotlarining tannarxini hamyonbop qilish maqsad qilinmoqda. Imzo chekilgan kelishuv aynan shu maqsadlar uchun xizmat qiladi", - dedi A.Sultonov.
Mavzuga oid
18:04 / 14.09.2024
Yirik energetika korxonalarining soliq to‘lovlari keskin qisqarishda davom etmoqda
21:27 / 05.09.2024
GTL zavodining davlatga soliq tushumi 2 barobarga kamaygani ma’lum bo‘ldi
16:14 / 03.09.2024
“Jahannam darvozasi”. Turkmanistondagi eng diqqatga sazovor joylardan biri bo‘lgan gaz krateri haqida nimalar ma’lum?
20:27 / 29.08.2024