Namanganda hojatxonaga tushib ketgan telefon tufayli 3 kishi halok bo‘ldi
2017 yilning 13 iyul kuni Namangan viloyati Yangiqo‘rg‘on tumanida hojatxonada og‘ir gazdan zaharlanish sodir bo‘lgan. Bu haqda Favqulodda vaziyatlar vazirligi matbuot xizmati xabar tarqatgan.
Ushbu xonadonda yashovchi fuqaro G.Musaboyeva Samsung Galaxy J7 uyali telefonini uyidagi hojatxonaga tushirib yuborgan.
Shu kuni Musaboyeva tomonidan yollangan ishchilar A.Qirg‘izboyev va O.Murzaliyev telefonni olib chiqish uchun birin-ketin hojatxona tubiga narvon yordamida tushishgan va og‘ir gazdan zaharlanib, hushdan ketishgan.
Shifokor yollanma ishchilarni qutqarib olish uchun hojatxona tubiga tushayotib zaharlanib, hushini yo‘qotgan.
Namangan viloyati FVB Qutqaruv otryadi qutqaruvchilari kelib tushgan xabardan so‘ng qisqa muddat ichida voqea joyiga yetib borib, vafot etganlarni hojatxona tubidan olib chiqishgan.
Fuqarolar A.Qirg‘izboyev va O.Murzaliyev voqea joyida, fuqaro Q.Irisboyev esa shifoxonaga olib ketilayotgan vaqtda jon bergan.
Hozirda mazkur holat yuzasidan tegishli xizmatlar tomonidan surishtiruv ishlari olib borilmoqda.
Mavzuga oid
14:54 / 26.09.2024
Namanganda avval ham firibgarlik uchun sudlangan shaxs yana shunday jinoyatga qo‘l urdi
20:05 / 12.09.2024
Hududlarda tadbirkorlar quyosh panellarini o‘rnatishga majburlanmoqda. Vazirlik tomoshabinmi?
13:05 / 05.09.2024
Xitoy Namanganda misni qayta ishlash zavodini qurishi mumkin
10:27 / 20.08.2024