Kataloniya mustaqilligi uchun 90 foiz ovoz berildi

Foto: AFP

1 oktabrda Kataloniya muxtoriyatida o‘tgan referendumning 90 foiz ishtirokchisi muxtoriyatning Ispaniyadan ajralishi uchun ovoz berdi. Bu haqda muxtoriyat rahbariyati ma'lum qildi.

Ta'kidlanishicha, ovoz berishda hammasi bo‘lib 2,3 mln saylovchi ishtirok etgan.

Oxirgi ma'lumotlarga ko‘ra, referendum davomida politsiya bilan to‘qnashuvlarda jabrlanganlar soni 844 kishiga yetdi.

Kataloniya parlamenti mustaqillikni e'lon qilish bo‘yicha bir tomonlama qarorni qabul qiladi, deb aytdi muxtoriyat jyeneraliteti (hukumati) raisi o‘rinbosari Oriol Junkeras.

"Ha, parlament bunday qarorni qabul qiladi", deb aytdi u jurnalistlarga.

Biroq Ispaniya hukumati ushbu referendumni tan olmayapti.

#referendum #Kataloniya

Ispaniyaning shimoliy-sharqiy hududida, Kataloniya avtonomiyasida, istiqomat qiluvchi aholi 1 oktabr katalonlarning mustaqillik masalasini hal etish uchun ko‘chaga chiqdi. Rasmiy Madrid ushbu harakatni yo‘qqa chiqarish maqsadida mahalliy politsiya kuchidan foydalanmoqda.