Putin o‘z lavozimidan bo‘shatilgan gubernatorlarni mukofotlashga qaror qildi
Rossiya prezidenti Vladimir Putin Rossiya hududlarining iste'foga ketgan rahbarlari davlat mukofotlariga taqdim qilinishlarini ma'lum qildi. Bu haqda “Interfaks” axborot agentligi xabar bermoqda.
2 noyabrda Putin Novo-Ogarevodagi qarorgohida kuzda o‘z lavozimlaridan bo‘shatilgan 10 gubernator bilan uchrashdi. Putinning matbuot kotibi Dmitriy Peskovning aytishicha, Putin sobiq gubernatorlar o‘zlari boshchilik qilgan hududlarga qo‘shgan hissalariga tegishli baho bermoqchi bo‘lgan.
Uchrashuvda Pskovning sobiq gubernatori Andrey Turchak bo‘lmagan. Endilikda “Yagona Rossiya” partiyasi bosh kengashi kotibi lavozimini egallayotgan Turchak nima uchun uchrashuvda bo‘lmaganiga oydinlik kiritilmagan.
2017 yil kuzida Rossiya hududlarining 11 gubernatori iste'foga chiqarilgan. Jumladan, Samara, Nijniy Novgorod, Pskov, Orlov, Novosibirsk, Omsk, Ivanovsk viloyatlari, Krasnoyarsk va Primore o‘lkalari gubernatorlari hamda Dog‘iston va Nenetsk muxtor okrugi rahbarlari o‘zgargan.
Mavzuga oid
23:02 / 25.09.2024
Putin: «Bizga oddiy qurol bilan hujum ham yadro zarbasiga asos bo‘ladi»
19:43 / 25.09.2024
Rossiyalik mulozimlar va The Washington Post tahlilchilari Kremlning yadroviy tahdidlari «endi hech kimni qo‘rqitmaydi» deyishmoqda
23:20 / 23.09.2024
Kreml Putinning yangi yadroviy raketalari sinovi muvaffaqiyatsiz kechganidan bexabar ekanini ma’lum qildi
10:50 / 21.09.2024