Indoneziya hukumati WhatsApp’ni bloklamaslikka qaror qildi
Indoneziya hukumati WhatsApp messenjerini bloklamaslikka qaror qildi. Bu servis noma'qul kontentni o‘chirib tashlash bo‘yicha talabni bajarganidan so‘ng yuz berdi, deya xabar qilmoqda Reuters agentligi.
"Endi biz shuni ko‘rmoqdamizki, WhatsApp so‘ragan narsamizni bajardi. Shuning uchun ularni bloklamadik, sababi ular bizning talabga rioya qildi", - deya Indoneziya Kommunikatsiyalar va axborot vazirligi vakili so‘zlaridan iqtibos keltiradi agentlik.
Dushanba kuni Reuters Indoneziya hukumati WhatsApp’ni 48 soat ichida bloklab qo‘yish bilan tahdid qilgani haqida xabar berdi. Bu holat servis noma'qul bo‘lgan GIF shakldagi tasvirlarni o‘chirib yubormasa yuz berishi ma'lum qilingandi. Agentlik ma'lumotlariga ko‘ra, bunday talab bolalar manfaatini ko‘zlagan holda ilgari surilgan.
Mavzuga oid
14:10 / 30.09.2024
O‘zbekiston va Indoneziya o‘rtasida maslahatlashuvlar qo‘mitasi tashkil etiladi
15:02 / 20.08.2024
Avstraliya va Indoneziya mudofaa to‘g‘risida shartnoma tuzdi
11:00 / 14.06.2024
Indoneziyaning O‘zbekistondagi elchisi Toshkentda vafot etdi
18:14 / 10.06.2024