Telegram'ga fotoalbomlar, "Tanlanganlar" va kanallar qidiruvi qo‘shildi
Telegram messenjeri jamoasi Android- va iOS-qurilmalar uchun yangilangan ilovasini taqdim etdi. 4,5 versiyada ommaviy jo‘natishda video va suratlar alohida albomlarga ajratiladi (har birida 10tadan), xabarlarni qabul qiluvchi esa ular haqida bir necha emas, bir martagina xabardor qilinadi.
Endi jo‘natilayotgan surat va roliklar miniatyuralardan iborat chiroyli to‘rga aylantiriladi, ularni jo‘natayotgan odam qaysi ketma-ketlikda ko‘rsatilishini ham belgilash imkoniga ega. Profil suratlari ham shu tarzda tashkillashtiriladi.
Bundan keyin muhim xabarlarni tanlanganlar safi - foydalanuvchining personal "buluti"ga qo‘shish imkoni mavjud, bu yerda multimedia kontenti ham saqlanishi mumkin. "Tanlanganlar"ga "Chatlar" orqali o‘tish mumkin.
Bundan tashqari, messenjer ishlab chiquvchilari qidiruv algoritmlarini ham yaxshilashdi, bu sizni qiziqtirgan ommaviy kanallar, guruhlar va chat-botlarni tezroq topish imkonini beradi. Eng mashhur kanal va botlar doim oldingi qatorlarda ko‘rsatiladi.
Kanallar ma'murlariga muhim yozuvlarni ro‘yxat boshiga mahkamlash imkoni berildi.
Telegram'ning yangi versiyasi iPhone X egalarini xursand qiladi: messenjer interfeysi sozlamalar ekrani va chatlardagi kontekst menyu Apple'ning yangi smartfoniga moslashtirilgan.
Mavzuga oid
23:45 / 11.10.2024
Kavkaz aholisi Ramzan Qodirovga qarshi postlardan keyin Telegram faoliyatida uzilishlar bo‘layotganini ma’lum qildi
01:17 / 11.10.2024
Durov «VKontakte» qanday yaratilganini so‘zlab berdi
12:02 / 09.10.2024
Pavel Durov Telegram’ga 10 ta yangi funksiya qo‘shilishini e’lon qildi
23:14 / 07.10.2024