Facebook va Universal Music Group o‘rtasida lisenzion shartnoma imzolandi
Facebook ijtimoiy tarmog‘i Amerikaning Universal Music Group (UMG) ovoz yozish kompaniyasi bilan lisenzion shartnomani imzoladi. U ijtimoiy tarmoq foydalanuvchilariga huquqiy jihatdan UMG'ga tegishli musiqiy kompozitsiyalar qo‘shilgan videoyozuvlarni to‘siqsiz joylash imkonini beradi. The Verge shu haqida xabar berdi.
Bugungi kunda Facebook foydalanuvchilari UMG'ga tegishli qo‘shiqlar yangrovchi videolarni joylagan taqdirda, mualliflik huquqi buzilishi munosabati bilan ijtimoiy tarmoq bunday roliklarni o‘chiradi. Tez orada esa foydalanuvchilar ham Facebook ijtimoiy tarmog‘ining o‘zida, ham unga tegishli bo‘lgan servislar, masalan, Instagram'da bunday videolarni joylashi va ular bilan bo‘lishishi mumkin bo‘ladi. Shartnoma qachon kuchga kirishi borasida aniqlik kiritilmagan.
UMG huquqiy jihatdan Rianna, Jyey-Zi, Bryus Springstin va Jastin Biber kabi qo‘shiqchilarning kompozitsiyalariga egalik qiladi. Internet-resurs ma'lumotlariga ko‘ra, Facebook, shuningdek, Warner Music Group va Sony Music Group bilan ham xuddi shunday lisenzion shartnomalarni tuzish to‘g‘risidagi muzokaralarni olib bormoqda.
Mavzuga oid
16:12 / 08.10.2024
Toshkentda tadbirkorga shartnoma tuzib berishini aytib 50 ming dollar talab qilgan shaxs ushlandi
19:21 / 04.10.2024
Tsukerberg dunyodagi eng badavlat insonlar reytingida Amazon asoschisini ortda qoldirdi
22:30 / 29.09.2024
Mark Sukerbergning boyligi oxirgi 2 yilda olti barobarga oshdi
00:32 / 29.09.2024