Falastinlik siam egizaklari 15 soat operatsiya qilindi
Saudiya Arabistoni poytaxti Ar-Riyodda shifokorlar chaqaloqni parazit-egizagidan ajratishni ko‘zda tutuvchi 15 soatlik jarrohlik operatsiyasini muvaffaqiyatli tugallashdi.
Farah ismli qizcha va Hanin ismli o‘g‘il bola o‘tgan yilning oktabr oyida Falastinda dunyoga kelgan, ular tana a'zolarining pastki qismlari orqali bog‘langan. Biroq Hanin to‘liq shakllangan bola bo‘lib, Farahning esa o‘pka va yurak sohalari bo‘lmagan. Operatsiya davomida tibbiyot xodimlari dastlab chaqaloqlarning ichak va jigarini ajratishdi, so‘ng tos sohasini ajratishga kirishishdi.
Siam egizaklari valiahd shahzoda Muhammad bin Salmon farmoniga muvofiq, Falastindan Saudiya Arabistoniga keltirildi. Jarrohlik amaliyoti qirol Abdulloh nomli bolalar shifoxonasida bo‘lib o‘tdi. Jarrohlar brigadasini doktor Abdulloh bin Abdulaziz Ar-Robia' boshqargan.
Operatsiya muvaffaqiyatli o‘tgan. Hozirda Hanin qayta tiklanish jarayonini boshdan o‘tkazmoqda. Bolakayning otasi oilaga beminnat yordam qo‘lini cho‘zib, barcha xarajatlarni o‘z zimmasiga olgan shahzodaga minnatdorchilik bildirgan.
Mavzuga oid
21:08 / 27.09.2024
«Biz ketmaymiz» - Mahmud Abbos BMT minbaridan Isroilning harakatlarini qoraladi
23:07 / 23.09.2024
AQSh Yaqin Sharqqa qo‘shimcha harbiy kuchlarni yuboradi
18:37 / 14.09.2024
G‘arbiy sohildagi bosqin: borgan sari ko‘proq falastinlik haydab chiqarilmoqda
23:18 / 12.09.2024