Qozog‘istonda yana fojia. Avtobusda yonib ketganlar O‘zbekiston fuqarolari bo‘lgani tasdiqlandi
Qozog‘istonning Aqto‘be viloyati hududida yonib ketgan avtobus yo‘lovchilarining barchasi O‘zbekiston fuqarolari edi. Bu haqda viloyat favqulodda vaziyatlar bo‘yicha departamenti ma'lumot berdi.
«O‘zbekiston fuqarolari. 50dan ortiq kishi. Halok bo‘lganlarning barchasi O‘zbekiston fuqarolari bo‘lishgan. Qozog‘iston va Rossiya fuqarolari yo‘q», — deya manbaning so‘zlarini keltirgan RIA Novosti.
Qayd etilishicha, avtobus O‘zbekistondan Rossiyaga ketayotgandi.
Bundan avvalroq Samara — Chimkent trassasida yo‘lovchi avtobusi yonib ketishi oqibatida 52 kishi halok bo‘lgani haqida xabar berilgandi.
Eslatib o‘tamiz, 2017 yilning 6 oktabrida Rossiyaning Vladimir oblastida poyezd yo‘lovchi avtobusni urib ketishi oqibatida 17 nafar o‘zbekistonlik halok bo‘lgandi.
O‘tgan yilning yozida esa Qozog‘iston hududida 50 nafar o‘zbekistonlikni olib ketayotgan avtobus halokatga uchragan, o‘shanda baxtsiz hodisada 9 nafar o‘zbekistonlik vafot etgandi.
Avtobus halokati: oqibatlar emas, sabablar bilan kurashaylik
Mavzuga oid
23:19 / 01.10.2024
Tailandda 40 ga yaqin o‘quvchi va o‘qituvchilarni olib ketayotgan avtobus yonib ketdi. Kamida 20 kishi halok bo‘lgani aytilmoqda
22:02 / 01.10.2024
Qozog‘iston Xitoyga gaz yetkazib berishni ko‘paytirish uchun yana bir gazquvuri qurmoqchi
11:30 / 01.10.2024
Agrar universitet hududidagi yong‘in yuzasidan jinoyat ishi qo‘zg‘atildi
00:09 / 01.10.2024