Apple AirPods simsiz quloqchinlari foydalanish chog‘ida portlab ketdi
AQShning Floridasida yashovchi Jyeyson Kolonning xabar qilishicha, Apple AirPods quloqchinlaridan biri mashg‘ulotlar vaqtida portlab ketgan. Bu haqda Mashable xabar bermoqda.
Kolon o‘ng qulog‘idagi, musiqa ijro etilayotgan simsiz quloqchini oq tutun chiqara boshlaganida fitnes-klubda sport bilan shug‘ullanayotgan bo‘lgan. Erkak uni qulog‘idan chiqarib, trenajyorda qoldirgan va ma'muriyat xodimiga yordam so‘rab murojaat qilgan. U qaytib kelganida esa, qurilma portlab ketib bo‘lgan – Kolonning ma'lum qilishicha, quloqchinda olov izlari qolgan.
Bu Apple AirPods kutilmaganda portlab ketishi kuzatilgan ilk shunday holatdir. Kompaniya surishtiruv o‘tkazish va hodisaga nima sabab bo‘lganini aniqlashga va'da berdi.
Eslatib o‘tamiz, avvalroq iPhone X egalari qo‘ng‘iroqlarni qabul qilishda muammolarga uchrayotganlaridan shikoyat qilishgandi.
Mavzuga oid
14:50 / 08.07.2024
“Xuddi quloqchin kabi” - ixcham havo tozalagich taqdim etildi
07:33 / 08.06.2022
Uzbekistan Airways samolyot bortida quloqchinlar yo‘qligiga izoh berdi
22:02 / 01.12.2021
Avtomobilda quloqchin va garnituralarsiz telefonda gaplasha olmaysiz - Adliya vazirligi
18:17 / 15.11.2021