Seulda Shimoliy Koreyaga qarshi namoyishlar davom etmoqda
Janubiy Koreya poytaxti Seulda Shimoliy Koreyaning musiqiy guruhi ishtiroq etishi kerak bo‘lgan maydonda norozilik namoyishlari bo‘lib o‘tdi. Shimolga qarshi qaratilgan namoyishlar davomida Shimoliy Koreya bayrog‘i yoqib yuborilgan. Bu haqda Yonhap axborot agentligi xabar bermoqda.
Mahalliy politsiyaning ma'lum qilishicha, shahar markazida 1,3 mingga yaqin odam yig‘ilib, shimoliy koreyalik sportchilarning Olimpiadada birlashgan Koreya jamoasi tarkibida o‘ynayotganiga qarshi norozilik bildirishgan. Ma'lum qilinishicha, Shimoliy Koreya bayrog‘idan tashqari, namoyishchilar shimollik muxlisalarni tasvirlovchi niqoblarni hamda birlashgan Koreya bayrog‘ini yoqishgan. Politsiya o‘to‘chirgichlar yordamida olovni o‘chirishga harakat qilgan, biroq namoyishchilar tomondan qarshilikka uchragan.
Bundan tashqari, namoyishchilar Shimoliy Koreyaning birinchi rahbari Kim Ir Sen va amaldagi yetakchisi Kim Chen Inning suratlarini yoqishga harakat qilishgan, biroq bunga politsiya yo‘l qo‘ymagan.
Mavzuga oid
11:20 / 19.09.2024
Shimoliy Koreya yana raketa sinovlarini o‘tkazdi
17:21 / 14.09.2024
O‘zbekistonlik harbiylar Janubiy Koreyada o‘tkazilgan xalqaro musobaqada 1-o‘rinni qo‘lga kiritdi
09:48 / 12.09.2024
Shimoliy Koreya yana ballistik raketalar uchirdi
14:33 / 10.09.2024