Rossiya elchixonasi Boris Jonson bilan uchrashuv haqida iltimos qildi

Rossiyaning Londondagi elchixonasi Britaniya Tashqi ishlar vazirligiga tashqi siyosat idorasi rahbari Boris Jonson bilan GRU sobiq polkovnigi Sergey Skripalning zaharlanishi bo‘yicha vaziyatni muhokama qilish uchun uchrashish iltimosi bildirilgan nota yubordi. Bu haqda RIA «Novosti» xabar bermoqda.

«Ma'lumki, elchi Aleksandr Yakovenkoning Buyuk Britaniya tashqi ishlar vaziri Boris Jonson bilan uchrashuvini tashkillashtirish ehtiyoji anchadan beri bor edi. Bu ikki tomonlama munosabatlar kompleksi, shuningdek, Solsberidagi voqeani surishtiruvdan o‘tkazish masalasini muhokama etish uchun kerak. Shu sababdan Yakovenko Jonsonga shaxsiy nota yubordi», - deya xabar qilgan elchixona vakili.

Uning ta'kidlashicha, diplomatik vakolatxonada Buyuk Britaniya TIV bilan «hamkorlikning hozirgi darajasiga ijobiy baho» bera olishmaydi.

Eslatib o‘tamiz, avvalroq Skripalning ahvoli yaxshilangani xabar berilgandi.