Toshkentdagi «Moviy gumbazlar» atrofi obodonlashtirildi – IIBB

Yakkasaroy tuman hokimligi bilan hamkorlikda «Moviy gumbazlar» restorani nomi bilan mashhur bo‘lgan xiyobon hududini ko‘kalamzorlashtirish va obodonlashtirish ishlari amalga oshirildi, deb xabar bermoqda poytaxt IIBB axborot xizmati.

Hudud chiqindilar, qurigan shox-shabbalardan tozalanib, daraxt va o‘simliklarga shakl berildi. Shuningdek, piyodalar yo‘laklari va favvoralar ta'mirlanib, oqava suvlar tizimi soz holga keltirildi, ustunlarga yangi yoritgichlar o‘rnatilgan.

Dam olish kunlari bu yerda Toshkent shahar IIBB tashabbusi bilan Yakkasaroy tumanida joylashgan kasb-hunar kollejlari o‘quvchilari hamda mehribonlik uylari tarbiyalanuvchilari o‘rtasida shaxmat musobaqasi o‘tkazilishi rejalashtirilgan.