Dunyodagi eng katta voha YuNeSKOning Butunjahon merosi ro‘yxatiga kiritildi
Keniya, Ummon va Saudiya Arabistonidagi uchta obekt YuNeSKOning Butunjahon merosi ro‘yxatiga kiritildi.
Ro‘yxatga Keniyadagi Tximlich Oxinga arxeologik obekti, Ummondagi qadimiy shahar Kalxat va Saudiya Arabistonidagi Al-Axsa vohasi kiritilgan.
Tximlich Oxinga Viktoriya ko‘li yaqinida joylashgan bo‘lib, 16-asrda barpo etilgani taxmin qilinadi. Unda toshlarni bir-biriga hech qanday bog‘lovchi materialsiz terish usuli bilan qurilgan inshootlar bor.
Kalxat Umonning sharqiy sohilida joylashgan bo‘lib, ichki va tashqi devorlar bilan o‘ralgan. Bu shahar Arabiston yarimorolining sharqiy sohilbo‘yi, Sharqiy Afrika, Hindiston, Xitoy va Janubiy Sharqiy Osiyo aholisi o‘rtasidagi savdoga noyob arxeologik isbot hisoblanadi.
Al-Axsa vohasi Arabiston yarimorolining sharqiy qismida joylashgan bo‘lib, bog‘lar, kanallar, chashmalar, drenaj ko‘llar, tarixiy inshootlardan tashkil topgan. Bu voha dunyodagi eng katta voha bo‘lib, unda 2,5 mlnta palma o‘sadi.
Mavzuga oid
12:51 / 24.06.2024
Zominda “II Xalqaro maqom san’ati anjumani” o‘tkaziladi
19:15 / 11.06.2024
O‘zbekistonda BMT yordamida suv toshqini haqida ogohlantirish tizimi o‘rnatiladi
18:29 / 11.05.2024
O‘zbekiston tarixiy suratlari to‘plami YuNESKO «Jahon xotirasi» ro‘yxatiga kiritildi
23:00 / 15.03.2024