Samarqandda akasi va yangasini o‘ldirgan shaxs 22 yilga qamaldi
Samarqand viloyatining Kattaqo‘rg‘on tumanida yashovchi Baxtiyor Shukurov oilaviy janjal sababli akasi va yangasini bolta bilan chopib o‘ldirgani uchun 22 yilga ozodlikdan mahrum etildi.
Jinoyat ishlari bo‘yicha Samarqand viloyat sudi uni O‘zbekiston Jinoyat kodeksining 97-moddasi 2-qismi (o‘ta xavfli retsidivist tomonidan qasddan odam o‘ldirilishi)da ko‘zda tutilgan jinoyatni sodir etishda aybdor deb topdi va uni 22 yil muddatga amnistiya qo‘llash tartibisiz qat'iy rejimdagi koloniyada jazo o‘tashga hukm qildi.
Shukurov shu yilning 14 mart kuni oilaviy janjal oqibatida 58 yoshli akasi va uning 55 yoshli turmush o‘rtog‘ini bolta bilan o‘ldirgan.
Ma'lum qilinishicha, u 2003-2014 yillar orasida bir necha marta qamoqxonalarda jazo o‘tab chiqqan. Shukurov so‘nggi bor 2014 yilda O‘zbekiston prezidenti tomonidan e'lon qilingan amnistiyaga ko‘ra ozodlikka chiqarilgan.
Mavzuga oid
16:05 / 03.08.2024
Sudlar “amnistiya” vositasiga aylantirib olgan modda. Nega jazoning muqarrarligi ta’minlanmayapti?
10:13 / 01.08.2024
Kattaqo‘rg‘onda Nexia urib ketishi oqibatida erkak va uning 4 yoshli qizi halok bo‘ldi
08:53 / 23.05.2024
Toshkentda jazo muddatini o‘tash joyini pul evaziga o‘zgartirib berishni va’da qilganlar ushlandi
21:38 / 22.05.2024