Moldaviya poytaxtida gaz portlashi oqibatida kamida 3 kishi halok bo‘ldi

Moldaviya poytaxti Kishinevda sodir bo‘lgan portlash oqibatida kamida 3 kishi halok bo‘lgan va 5 kishi jarohatlangan holda shifoxonaga yotqizilgan.

«Sputnik Moldaviya» agentligi xabariga ko‘ra, Moskva prospektidagi ko‘p qavatli uylardan birida gaz portlashi oqibatida 14, 15, 16 va 17 qavatlar jiddiy shikastlangan.

Ushbu voqea shahar garnizonini oyoqqa turg‘azgan, voqea joyiga avvaliga qutqaruvchilar va o‘t o‘chiruvchilarning 7 ekipaji yetib kelgandi, keyinroq bu hududdagi qutqaruvchi va o‘t o‘chiruvchi xodimlar soni 100 nafardan oshib, maxsus texnik mashinalar soni 16taga yetdi.