Kattalar talmovsirab turgan vaqtda o‘smirlar yordamga oshiqishdi (video)
Kanadaning Vankuver shahri yaqinidagi “Graus Mauntin” tog‘-chang‘i kurortida 8 yoshli bola kanat yo‘liga otasi va 3 yoshli singlisi bilan birga o‘tirganda ko‘ngilsiz voqea yuz bergan. Kanat yo‘li harakatlanayotganda bola tasodifan o‘rindiqdan sirpanib ketgan. Bolaning otasi o‘g‘lining bilagidan ushlab qolgan, biroq qizini ham ushlab turishga harakat qilgani sababli o‘g‘lini tortib ololmagan.
Bola yerdan 6 metrcha balandlikda osilib turgan. Kattalar bundan hang-mang bo‘lib, talmovsirab turgan bir paytda yordamga birinchi bo‘lib o‘smirlar oshiqqan. 12 yoshli Joshua Reyvensbergen voqea vaqtida do‘stlari bilan chang‘i uchayotgan bo‘lgan. O‘smirlar to‘siqlar vazifasini bajaruvchi to‘rdan bir qismini olib, uni bolaning pastida tortib turishgan va bolani unga sakrashga ko‘ndirishgan.
“U yerda odamlar bor edi, biroq ular nima qilishni bilmay qo‘l qovushtirib turishgan”, deb aytgan o‘smir.
Natijada bola qutqarib olingan. Unda jarohatlar yo‘qligiga qaramay, shifoxonaga jo‘natilgan. O‘smirlarni esa kichik qahramonlar deb atay boshlashgan.
A group of friends have been hailed as heroes after coming to the rescue of a boy dangling from a ski lift ⛷️
— Sky News (@SkyNews) 3 marta 2019 g.
More videos here: https://t.co/lDLLXxfbOh pic.twitter.com/shB37Wk3tK
Mavzuga oid
21:49 / 17.09.2024
Instagram ota-onalarning o‘smir farzandlari akkauntlari ustidan nazoratini kuchaytiradi
23:42 / 28.08.2024
Kanadada o‘rmon yong‘inlari oqibatida atmosferaga 2,4 mlrd tonnadan ortiq karbonat angidrid gazi chiqdi
19:11 / 27.08.2024
Kanada Xitoy elektromobillariga 100 foiz boj joriy qiladi
12:40 / 17.08.2024