Facebook 5 milliard dollarlik jarima to‘lashga tayyorlanmoqda
AQShning savdo bo‘yicha federal komissiyasi (FTC) Facebook kompaniyasini maxfiylik shartlarini buzgani uchun 5 mlrd dollargacha jarimaga tortishi mumkin. Bu haqda The New York Times nashri xabar berdi.
Kompaniya o‘zining choraklik moliyaviy hisobotida aynan shu qiymatni ko‘rsatgan va FTC’ning joriy tergovi bo‘yicha xarajatlarni 3 mlrd dollardan 5 mlrd dollargacha baholagan.
Ta'kidlanishicha, Facebook va FTC kompaniyani shaxsiy hayot daxlsizligi haqidagi kelishuvni buzganlikda 2011 yilda bildirilgan ayblovlar bo‘yicha moliyaviy jazolash yuzasidan bir necha oy davomida muzokaralar olib borgan.
2011 yilda kompaniya foydalanuvchilari haqidagi ma'lumotlar maxfiyligini saqlash uchun bir qator choralar ko‘rishga va'da bergan.
Bundan tashqari, kompaniya 2018 yilda foydalanuvchilar haqidagi ma'lumotlarga tegishlicha munosabatda bo‘lmaslik, jumladan ularning Cambridge Analytica kompaniyasiga berishi bo‘yicha yana tanqidga uchragan.
Cambridge Analytica kompaniyasi Facebook ijtimoiy tarmog‘ining 87 mln foydalanuvchisi haqidagi ma'lumotlarni qonunga zid ravishda yig‘ib, ularni uchinchi shaxslarga bergan.
Facebook rahbari Mark Tsukerberg AQSh kongressi va Yevroparlamentda ushbu xatoni tan olgan va uzr so‘ragan.
Mavzuga oid
22:30 / 29.09.2024
Mark Sukerbergning boyligi oxirgi 2 yilda olti barobarga oshdi
00:32 / 29.09.2024
Meta kompaniyasi parollarni saqlashda xatolikka yo‘l qo‘ygani uchun 91 mln yevro jarimaga tortildi
07:20 / 20.09.2024
Daraxtlarni kesish va qasddan quritish uchun jarimalar oshiriladi
22:21 / 18.09.2024