Tramp AQShning qurol savdosi haqidagi xalqaro kelishuvdan chiqishini e'lon qildi
AQSh prezidenti Donald Tramp AQSh qurol savdosi haqidagi xalqaro kelishuvdan chiqishini e'lon qildi. Tramp bu haqda Milliy o‘q otish uyushmasining Indianapolisdagi yig‘ilishida ma'lum qilgan.
Trampning aytishicha, u senatdan avvalgi prezident Barak Obama vaqtida imzolangan kelishuvning ratifikatsiyasi jarayonini to‘xtatishni so‘raydi.
«Mening ma'muriyatim bu kelishuvni hech qachon ratifikatsiya qilmaydi», deb aytgan AQSh prezidenti.
Trampning ta'kidlashicha, BMT bu haqda rasmiy bildirish oladi.
Ushbu kelishuv 2014 yil 24 dekabrdan amal qiladi va davlatlar o‘rtasida qurol savdosini tartibga soladi. Uni 83 davlat ratifikatsiya qilgan. AQSh ushbu kelishuvni imzolagan, biroq hali ratifikatsiya qilmagan edi.
Mavzuga oid
22:03 / 22.09.2024
Tramp debat o‘tkazish haqidagi Harris taklifini rad etdi
23:13 / 21.09.2024
Harris saylov kampaniyasida Trampdan uch barobar ko‘p mablag‘ to‘pladi - OAV
20:40 / 21.09.2024
Shimoliy Koreyaga qochib o‘tgan amerikalik askar sharmandalarcha armiyadan haydalgani ma’lum bo‘ldi
17:10 / 21.09.2024