Toqayev qasamyod qildi va Qozog‘iston prezidenti lavozimiga kirishdi
Qozog‘istondagi prezidentlik saylovlarida g‘alaba qozongan Qosim-Jo‘mart Toqayev inauguratsiya marosimida qasamyod qabul qilib, davlat rahbari lavozimiga kirishdi.
U marosimda qo‘lini Konstitutsiyaga qo‘ygan holda davlat tili - qozoq tilida qasamyod qildi.
«Qozog‘iston xalqiga sadoqat bilan xizmat qilishga, Qozog‘iston konstitutsiyasi va qonunlariga qat'iy rioya qilishga, fuqarolarning huquqlari va erkinliklarini kafolatlashga, Qozog‘iston respublikasi prezidenti sifatida zimmamga yuklatilgan vazifalarni vijdonan bajarishga tantanali ravishda qasamyod qilaman», — degan Toqayev.
9 iyun kuni Qozog‘istonda hisob bo‘yicha oltinchi marta prezidentlik saylovlari o‘tkazildi. Markaziy saylov komissiyasi saylovda «Nur Otan» partiyasidan nomzod sifatida qatnashgan Qosim-Jo‘mart Toqayev 70,96 foiz ovoz bilan g‘alaba qozonganini e'lon qildi.
Endi u keyingi 5 yil davomida Qozog‘istonni boshqaradi.
Mavzuga oid
18:31 / 23.09.2024
Qozog‘iston va O‘zbekiston Sirdaryoda 10 ta gidropost tashkil qiladi
20:09 / 20.09.2024
Qozog‘istonda xorijliklarni deportatsiya qilish qoidalari kuchaytirilishi mumkin
08:30 / 20.09.2024
Qozog‘istonning O‘zbekistondagi elchisi “Do‘stlik” ordeni bilan mukofotlandi
16:07 / 19.09.2024