Buxoroda «Captiva» haydovchisi o‘zini «ranjitgan» haydovchi mashinasini o‘qqa tutdi
Buxoro viloyatining G‘ijduvon tumanida pnevmatik to‘pponcha qo‘llagan “Captiva” rusumidagi avtomobil haydovchisi qo‘lga olindi. Bu haqda OAV xabar berdi.
Buxoro viloyati ichki ishlar boshqarmasi matbuot xizmati ma'lumotlariga ko‘ra, 20 iyulda G‘ijduvon tumanida “Captiva”ning 30 yoshli haydovchisi mast holatda mashina boshqargan. U shu kuni tuman markaziga kelib, “Kaktus” kafesi yonida “Matiz” haydovchisi bilan tortisha boshlagan. Dahanaki jangdan keyin “Captiva” haydovchisi pnevmatik to‘pponcha chiqarib, “Matiz”ning yon oynasiga o‘q uzib, uni sindirgan.
Keyinroq qoidabuzar haydovchi ushlangan va unga O‘zbekiston Respublikasi Jinoyat kodeksining 277-moddasi (Bezorilik) bo‘yicha jinoiy ish qo‘zg‘atilgan. Endi u 300 soatdan 360 soatgacha jamoat ishlari yoki bir yildan 3 yilgacha ozodligi cheklanishi yoxud 3 yilgacha ozodlikdan mahrum qilinish bilan jazolanishi mumkin.
Mavzuga oid
07:50 / 21.09.2024
O‘zbekistonda 263 dona qadimiy tangani Turkiyaga yashirincha olib ketayotgan shaxs ushlandi
13:54 / 10.09.2024
2025 yil sentabr oyida Buxoro biyennalesi tashkil etiladi
20:34 / 31.08.2024
“Avvalo o‘zbek tilida yozilsin” - Buxoroda reklama bannerlari va lavhalar nega olib tashlanyapti?
07:32 / 20.07.2024