«Yandeks» kurer-robotni namoyish etdi
"Rover" atrofdagi obektlarni taniy oladi, yo‘nalishni rejalashtiradi, to‘siqlarni aylanib o‘tadi, piyodalar va jonivorlarga yo‘l beradi.
"Yandeks" kurer-robotni namoyish etdi, u kompaniya qarorgohi hududida sinovdan o‘tkazilmoqda. Bu haqda "Yandeks" matbuot xizmati xabar berdi.
Balandligi yarim metr bo‘lgan bu qurilma shahar piyodalar yo‘lkalarida piyoda tezligida harakatlanadi. Undan kichik o‘lchamdagi yuklarni tashishda foydalaniladi. Robot "Yandeks.Rover" deb nomlandi.
"Dastlabki bir nechta robot sinov ishlarini bajarmoqda. Ular "Yandeks" qarorgohi ichida hujjatlarni tashimoqda. Robot o‘zi mustaqil yuradi, ammo hozircha operator kuzatuvi ostida. "Rover" atrofdagi obektlarni taniy oladi, yo‘nalishni rejalashtiradi, to‘siqlarni aylanib o‘tadi, piyodalar va jonivorlarga yo‘l beradi", - deyiladi xabarda.
Kelgusida "Rover" "Yandeks" ekotizimiga kiritiladi. Sinovlar yakunlanganidan so‘ng boshqa kompaniyalarga robot xizmatlaridan foydalanish taklif etilishi mumkin.
Mavzuga oid
17:10 / 21.09.2024
AQShda “politsiyachi” robot jinoyatchini tutib berdi
23:14 / 03.09.2024
Keniyada robot ofitsiantlar: texnologiya Sharqiy Afrika restoran biznesini o‘zgartirmoqda
22:34 / 03.08.2024
Sun’iy intellektga ega robot xavfli zonalarga yuboriladi
22:54 / 28.05.2024