Erdo‘g‘an Trampga “ahmoq bo‘lmaslik” haqidagi maktubini qaytardi
Turkiya prezidenti Rajab Toyyib Erdo‘g‘an AQSh prezidenti Donald Tramp bilan Oq uydagi uchrashuvda amerikalik hamkasbiga uning “ahmoq bo‘lmaslik”ka chaqirgan maktubini qaytardi. Bu haqda Erdo‘g‘anning o‘zi uchrashuv yakunlariga bag‘ishlangan matbuot anjumanda ma'lum qildi.
“Bu maktublarni janob prezidentga qaytardim. Men bu terrorchi Abdi Shaxin [kurdlarning “Suriya demokratik kuchlari” qo‘mondoni Mazlum Kobani Abdi] AQSh kabi davlatning suhbatdoshi bo‘lgani aytilgan maktubdan juda ranjidim. Abdi Shaxin yuzlab fuqarolarimizning o‘limida aybdor bo‘lgan terrorchi hisoblanadi”, deb ta'kidlab o‘tgan Erdo‘g‘an matbuot anjumanda.
Oktabr o‘rtasida Tramp Erdo‘g‘anga maktub yo‘llab, unda hamkasbini Suriyada kurdlarga qarshi amaliyot boshlamaslikka chaqirgan. Tramp aks holda Turkiya iqtisodiyotini yo‘q qilish bilan tahdid qilgan.
“Keling, yaxshi bitim haqida kelishib olaylik. Siz minglab odamlar o‘ldirilishi uchun javobgar bo‘lishni istamaysiz, men esa Turkiya iqtisodiyoti barbod bo‘lishi uchun javobgar bo‘lishni istamayman, men esa buni qila olaman”, deb yozgan AQSh prezidenti maktubda.
Tramp maktubida, shuningdek, Erdo‘g‘anni “keskin va ahmoq bo‘lmaslikka” chaqirgan va Mazlum Kobani u bilan muzokaralar o‘tkazishga tayyorligini ma'lum qilgan.
Turkiya esa bu maktubga Suriya shimolida harbiy amaliyot boshlash bilan javob qaytargan. O‘shanda Turkiya tashqi ishlar vaziri Mavlut Chovusho‘g‘lu “Turkiya bunday maktublar olish uchun munosabatlar darajasi bunchalik tubanlashganini hali ko‘rmagandi”, deb aytgan.
Mavzuga oid
21:36 / 21.09.2024
Fransiyada talabalar arxeologik qazish ishlari davomida 200 yillik maktubni topdi
00:06 / 12.09.2024
Erdo‘g‘an: Turkiya hech qachon Qrim anneksiyasini tan olmaydi
09:05 / 03.08.2024
Erdo‘g‘an: 2024 yilgi Olimpiada ochilish marosimi g‘azabga sabab bo‘ldi
23:21 / 29.07.2024