FVV Qamchiq dovonidan harakatlanuvchi haydovchilarga murojaat bilan chiqdi
Gidrometeorologiya xizmati ma'lumotlariga ko‘ra, 2019 yil 21-25 noyabr kunlari A-373 «Toshkent-O‘sh» avtomobil yo‘lining «Qamchiq» dovoni qismida vaqti-vaqti bilan qor yog‘ishi, tuman tushib, ko‘rinuvchanlik 50 m.gacha pasayishi, shamol tezligi sekundiga 17-22 m.gacha kuchayishi, yo‘lda qor uyumlari, yaxmalak hosil bo‘lishi kutilmoqda.
Favqulodda vaziyatlar vazirligi yo‘l transport hodisalari bilan bog‘liq favqulodda vaziyatlarning oldini olish maqsadida, dovon hududida harakatlanishdan oldin mutaxassis tavsiyalari bilan chiqdi.
Ular:
avtomobillarning texnik holatini to‘liq ko‘zdan kechirish;
dovon orqali yetarli darajada yoqilg‘i-moylash mahsulotlari bilan harakatlanish;
avtotexnikalarning qish mavsumida harakatlanish uchun maxsus shinalar bilan almashtirish;
haydovchilarning «Qamchiq» dovoni orqali harakatlanganda hushyorlikni yanada oshirishlari va yo‘llarda to‘xtab dam olishlari;
viloyatlararo yuk tashish bilan shug‘ullanuvchi tashkilotlar, firmalar, xususiy tadbirkorlar tomonidan haydovchilar bilan profilaktik tadbirlar o‘tkazilishi.
«Qamchiq» dovoni bo‘yicha qo‘shimcha ma'lumotlarni quyidagi telefon raqamlari orqali olishingiz mumkin:
«Qamchiq» Maxsus qidiruv-qutqaruv boshqarmasi navbatchilik qismi - (95) 146-87-08, (70) 662-72-49, (71) 212-70-07, (99) 837-29-38, 10-50.
O‘zingiz hamda yo‘lovchilar hayotini xavf ostiga qo‘ymang!» - deyiladi FVV ma'lumotida.
Mavzuga oid
10:55 / 22.09.2024
Katta Chimyon tog‘ida adashib qolgan to‘rt kishi qutqarildi
17:03 / 11.09.2024
Boysundagi kondan chiqayotgan gaz yaqin kunlarda jilovlanadi - FVV
13:40 / 06.09.2024
Rossiya FVV rahbarining sobiq o‘rinbosariga nisbatan jinoyat ishi qo‘zg‘atildi
18:11 / 05.09.2024