Galaxy S11 smartfonining suratlari taqdimotidan 3 oy oldin paydo bo‘ldi
Taniqli insayder @onleaks 2020 yil fevralidagina taqdimoti o‘tadigan yangi Samsung Galaxy S11 smartfonining dizaynini ko‘rsatdi. Smartfonning suratlari 91mobiles saytida e'lon qilingan.
Ta'kidlanishicha, qurilma uchta modifikatsiyada chiqariladi: kichikroq Galaxy S11e, odatdagi o‘lchamdagi Galaxy S11 va kattaroq o‘lchamdagi Galaxy S11+.
Galaxy S11 oyna va metalldan ishlanadi. Qurilmaning old tomoni deyarli ekran bilan qoplanadi. Ekran o‘rtasida frontal kamera uchun teshik paydo bo‘ladi. Qurilmaning diagonali 6,7 dyuymni tashkil qiladi.
Galaxy S11e va Galaxy S11+ esa mos ravishda 6,4 va 6,9 dyuymli Dynamic AMOLED-ekranlar bilan jihozlanadi.
Smartfon orqasida asosiy kamera joylashadigan to‘g‘ri to‘rtburchak shaklidagi blok joylashadi. Kamera tizimi 3 ta oddiy kamera va ToF-datchik bilan jihozlanadi. 5-o‘yiqning vazifasi ma'lum qilinmagan.
Asosiy kamera 108 Mpli bo‘lib, unda 5 karra optik zum ko‘zda tutilgan. Qurilma Qualcomm Snapdragon 865 yoki Exynos 990 protsessorida, Android 10 operatsion tizimi ostida ishlaydi.
Barmoq izlari skaneri displeyga o‘rnatiladi.
Samsung’ning yangi qurilmalari taqdimoti 18 fevralda bo‘lib o‘tishi kutilmoqda.
Mavzuga oid
12:24 / 06.09.2024
Smartfonlar miya saratoniga sabab bo‘lishi haqidagi fikrlar asossiz deb topildi
15:18 / 22.04.2024
Prokuratura va qator davlat idoralari qimmatbaho smartfonlar sotib olmoqda
15:32 / 13.04.2024
Narxi 600-800 dollar oralig‘idagi eng ko‘p sotilgan 20 ta smartfon nomi e’lon qilindi
18:51 / 13.03.2024