Surxondaryo koronavirusdan xoli hududga aylandi
Sog‘liqni saqlash vazirligi Xorazm va Surxondaryoda yana uch kishi koronavirusdan tuzalgani haqida xabar berdi.
Xorazm viloyatida 2 kishi tuzalib chiqqan, ulardan biri 49 yoshli erkak bo‘lib, Rossiyadan charter reys bilan kelgan va karantinga olingan. Kasallik aniqlangach, shifoxonaga yotqizilgan. Ikkinchisi esa 39 yoshli erkak bo‘lib, kasallikni koronavirusga chalinganlar bilan muloqotda yuqtirib olgan.
Viloyatda shu paytga qadar 228 nafar bemor sog‘aygan bo‘lsa, endilikda ularning soni 230 nafarga yetdi. Shunday qilib, hozirda Xorazmda 3 nafar bemor davolanmoqda.
Surxondaryo viloyatida so‘nggi bemor, 33 yoshli erkak tuzalib chiqdi. U kasallikni koronavirusga chalinganlar bilan muloqotda yuqtirib olgan.
Shu tariqa, ushbu hududda qayd etilgan 44 bemordan 43 nafari sog‘aydi, bir kishi avvalroq vafot etgandi.
Endilikda Surxondaryo viloyati ham Jizzax, Qashqadaryo va Farg‘ona viloyatlari qatorida koronavirusdan xoli hududga aylandi.
Bungacha bugun Qoraqalpog‘iston, Namangan va Toshkentda jami 28 nafar bemor tuzalgani xabar qilingandi.
Shu vaqtgacha 2369 kishi koronavirusdan butunlay sog‘aydi, ayni vaqtda shifoxonalarda 545 nafar bemor davolanmoqda, ulardan 6 nafarining ahvoli og‘ir.
Mavzuga oid
14:52 / 03.10.2024
Surxondaryoda tadbirkor o‘zi tahsil olgan maktab uchun 630 o‘rinli yangi bino qurib berdi
13:57 / 18.09.2024
Surxondaryoda sodir bo‘lgan YTHda uch nafar sinfdosh yigit halok bo‘ldi
07:29 / 06.09.2024
Surxondaryoda 9400 tup daraxt nobud bo‘lishi mumkin
12:31 / 31.08.2024