Qirg‘iziston poytaxtidagi namoyishlar tartibsizliklarga aylanib ketdi
Qirg‘iziston poytaxti Bishkekda parlament saylovi natijalaridan norozi bo‘lib namoyishga chiqqanlar mamlakat parlamenti binosiga hujum uyushtirishdi. Bu haqda «Sputnik Qirg‘iziston» xabar bermoqda.
Xabarda aytilishicha, tartibsizliklar ishtirokchilari bino darvozasini silkitishmoqda, ayrimlar binoni o‘rab turgan to‘siqdan oshib o‘tmoqda. Parlament binosi tomon toshlar uloqtirilmoqda. Militsiya norozilik namoyishchilarini tarqatishga urinmoqda.
Oxirgi ma'lumotlarga ko‘ra, to‘qnashuvlarda jarohatlanganlar bor. O‘q ovozlari eshitilmoqda.
Qirg‘izistonda 4 oktabr kuni bo‘lib o‘tgan parlament saylovidan so‘ng natijadan norozi bo‘lganlar namoyishga chiqishdi. Saylovda qatnashgan 12 partiyadan 11tasi uning natijalarini tan olishdan bosh tortdi.
Dastlabki natijalarga ko‘ra, «Birimdik», «Mekenim Kirgizstan», «Kirgizstan» va «Butun Kirgizstan» partiyalari yetarlicha ovoz to‘play olgan.
Mavzuga oid
18:49 / 20.09.2024
Qirg‘izistonda korrupsionerlar va ularning qarindoshlariga davlat lavozimida ishlash taqiqlanadi
22:04 / 16.09.2024
Qirg‘izistondan O‘zbekistonga ot uyurini noqonuniy haydab o‘tmoqchi bo‘lganlar ushlandi
20:33 / 14.09.2024
Vodiydagi tantana, Boysundagi mavhumlik va AES bo‘yicha yakuniy bitim - hafta dayjesti
19:03 / 14.09.2024