Apple'ning kuz faslidagi uchinchi taqdimoti muddati ma'lum bo‘ldi
Bloger Jon Prosserning bildirishicha, kompaniya Apple Silicon protsessorlarida ishlaydigan kompyuterlari taqdimoti uchun 17 noyabrda alohida tadbir o‘tkazishni rejalashtirgan.
Apple o‘zi ishlab chiqargan protsessorlar o‘rnatilgan kompyuterlarini noyabrda taqdim etadi. Bu haqda bloger Jon Prosser Twitter sahifasida ma'lum qildi.
Uning bildirishicha, kompaniya Apple Silicon protsessorlarida ishlaydigan kompyuterlari taqdimoti uchun alohida tadbir o‘tkazishni rejalashtirgan. Bloger kompyuterlar taqdimoti 17 noyabrda o‘tkazilishini aytmoqda.
«Apple bu haqda 10 noyabr kuni rasman e'lon qiladi», — deb yozadi Prosser.
Kompaniya ushbu kuzda ikkita tadbir o‘tkazishga ulgurdi. 15 sentyabrda yangi Apple Watch, iPad va iPad Air taqdimoti bo‘lib o‘tdi. 13 oktabr kungi tadbirda iPhone 12, MagSafe quvvatlagichi va HomePod mini ovoz kuchaytirgichi namoyish etildi.
Mavzuga oid
12:14 / 26.09.2024
iPhone 16'dagi o‘zgarishlar va “pont” uchun 3 karra to‘lov - Apple kutilmalarni oqlayaptimi?
22:57 / 24.09.2024
Apple App Store do‘konidan 100 ga yaqin VPN-ilovani o‘chirib tashladi
21:48 / 18.09.2024
Xiaomi smartfon ishlab chiqarish bo‘yicha Apple kompaniyasini ortda qoldirdi
21:44 / 17.09.2024