Bugun Navoiyda 254 nafar fuqaro emlandi

Viloyatda 45 ming nafardan ortiq 65 yoshdan kattalar hamda 18 ming nafardan ortiq tibbiyot xodimlari bor.

Navoiy viloyati Sanitariya-epidemiologik osoyishtalik va jamoat salomatligi boshqarmasi bo‘lim boshlig‘i Doston Saydulloyevning Kun.uz'ga ma'lum qilishicha, viloyatga Hindistonda ishlab chiqarilgan vaksinadan 19 ming doza, O‘zbekiston-Xitoy hammuallifligida Xitoyda ishlab chiqarilgan vaksinadan esa 19 600 doza keltirilgan. 

Ushbu vaksinalar Sanitariya-epidemiologik osoyishtalik va jamoat salomatligi boshqarmasining vaksinalarni saqlash omborxonasida saqlanmoqda.

Viloyatdagi 8 ta shahar va tumanda vaksina saqlash uchun omborxonalar qurilgan. Hududlardagi emlash punktlari vaksinalarni tashish uchun 322 ta termosumka, 109 ta sovutkich bilan ta'minlangan.