To‘raqo‘rg‘on tumani hokimiga yangi o‘rinbosar tayinlandi 

Azamat Abdukarimov Sodirxon o‘g‘li To‘raqo‘rg‘on tumani hokimining yoshlar siyosati, ijtimoiy rivojlantirish va ma'naviy-ma'rifiy ishlar bo‘yicha o‘rinbosari etib tayinlandi.

Azamat Abdukarimov 1992 yil 28 mayda To‘raqo‘rg‘on tumanida tug‘ilgan, 2017 yilda Namangan muhandislik pedagogika institutini tamomlagan, O‘zbekiston “Milliy tiklanish” partiyasi a'zosi.

Mehnat faoliyatini Namangan muhandislik pedagogika institutida fakultet yetakchisi sifatida boshlab, To‘raqo‘rg‘on xizmat ko‘rsatish kasb-hunar kollejida maxsus fan o‘qituvchisi, “Namangan yoshlar markazi”da bo‘lim mudiri, markaz direktori, Namangan “Avtoritet” avtokompleksida rahbar, shu yildan Xalq deputatlari tuman kengashi kotibiyati mudiri sifatida davom ettirgan.