O‘zbekiston Afg‘onistondan yana 400 nafarga yaqin qochqinni qabul qildi - OAV

O‘zbekiston Afg‘onistondan yana 400 nafarga yaqin qochqinni qabul qildi, ular o‘zbek-afg‘on chegarasi yaqinidagi kovid-markaz hududiga joylashtirildi. Bu haqda TASS o‘z manbasiga tayanib xabar berdi.

“Qochqinlarning yangi guruhi Termizga samolyotlarda olib kelindi, ularning PZR-testlari manfiy natija berdi. Ular nima uchun qo‘riqlanayotgan hududga joylashtirilgani noma'lum”, – degan manba.

Gazeta.uz manbasiga ko‘ra, Termiz tumanida afg‘on qochqinlari uchun chodirli lager tashkil etilgan.

Avvalroq O‘zbekiston Bosh prokuraturasi jami 585 nafar afg‘on harbiysi 22 ta harbiy samolyot va 24 ta harbiy vertolyotda O‘zbekistonga kirib kelgani haqida ma'lum qilgan, keyinroq bu ma'lumotini oxirigacha tekshirilmagan deb atagandi.

Sputnik'ning yozishicha, O‘zbekistonga samolyot va vertolyotlar orqali kelgan 650 ga yaqin afg‘on harbiylari mahalliy harbiy poligon yaqinidagi kovid-markaziga vaqtincha joylashtirilgan.

Juma kuni TIV afg‘onistonlik 150 nafar qochqin “Tolibon” tomonidan xavfsizligi kafolatlanganidan so‘ng o‘z mamlakatiga qaytarilganini bildirdi. 585 nafar harbiy masalasi ochiq qolmoqda.

#Afg‘oniston #O‘zbekiston #qochqinlar