Hakerlar FQB elektron pochtasini buzib kirib, undan yolg‘on xabar tarqatdi
AQShning Federal qidiruvlar byurosi 13 noyabrda hakerlar byuroning elektron pochtasini buzib kirib, u yerdan minglab akkauntlarga kiberhujumlar sodir etilishi mumkinligi haqida yolg‘on xabar yuborganini tasdiqladi.
FQBda ta'kidlanishicha, maktublar byuroning @ic.fbi.gov bilan tugovchi elektron pochtasidan yuborilgan.
“Ayni vaqtda boshqa qo‘shimcha ma'lumotlarni taqdim qila olmaymiz”, deb aytilgan maxsus xizmat bayonotida.
Avvalroq Bloomberg axborot agentligi hakerlar FQB pochtasini buzib kirgani haqida ma'lum qilgan.
Foydalanuvchilarga yo‘llangan maktubda hakerlik hujumini kiberxavfsizlik bo‘yicha mutaxassis Vinni Troya amalga oshirishi aytilgan. Troya 2020 yilda The Dark Overlord hakerlik guruhiga nisbatan surishtiruv olib borgan. Ekspertlarning ta'kidlashicha, hakerlar shu tariqa Troya nomiga “dog‘ tushirmoqchi” bo‘lishgan.
Spamhaus Project britan tashkiloti ma'lumotlariga ko‘ra, hakerlar kamida 100 ming akkauntga spam jo‘natgan va buni Nyu-Yorkdan boshlagan.
Kiberxavfsizlik masalalari bilan shug‘ullanuvchi BlueVoyant kompaniyasi bo‘limi boshlig‘i Ostin Berglasning ta'kidlashicha, FQBda bir nechta elektron pochta mavjud bo‘lib, 13 noyabrda buzib kirilgani umumiy foydalanish uchun mo‘ljallangan. FQB xodimlari undan jamoatchilik bilan yozishmalarda foydalanadi. Byuro xodimlari maxfiy axborot bilan bo‘lishish uchun esa boshqa elektron pochta tizimini qo‘llaydi.
Mavzuga oid
22:44 / 15.08.2024
Google: eronlik hakerlar AQShdagi saylovlar oldidan kiberhujumlarni kuchaytirdi
20:04 / 12.08.2024
Xitoylik hakerlar Rossiya hukumati saytlariga ommaviy kiberhujum uyushtirdi
17:05 / 04.08.2024
“U hatto AQSh prezidentlariga ta’sir ko‘rsata olgan” – Federal qidiruv byurosini 48 yil, vafotigacha boshqargan shaxs kim edi?
21:34 / 26.07.2024