Foto: Kuchli yomg‘irlar tufayli bir nechta viloyatda sellar kuzatilmoqda
Ayniqsa Samarqand va Jizzax viloyatining aksar hududlarida ertalabdan buyon kuchli yomg‘ir va sellar kuzatilmoqda.
2022 yil 13 mart kuni ertalabdan O‘zbekistonning bir qator viloyatlarida kuchli yomg‘ir yog‘ib sellar kuzatilyapti. Jumladan, Samarqand viloyatining Qo‘shrabot, Urgut, Samarqand va yana bir qator tumanlarida sel oqayotgani haqida xabarlar tarqaldi.
Shuningdek, Jizzax viloyatining Baxmal, Zomin, Forish tumanlarida ham kuchli sellar kuzatilgan. Jumladan, Forish tumanida oqqan kuchli sel odamlarning hovlisiga va ayrim ijtimoiy obektlarga ham kirgani aytilmoqda.
Qo‘shrabot tumanida esa kuchli sellar tufayli ayrim yo‘llar yopilib qolgani, oqibatda o‘sha yo‘llarda transport vositalari harakati to‘xtab qolgani xabar qilinmoqda. Shuningdek, seldan o‘ta olmayotgan mashinalarni traktorlar pul evaziga o‘tkazib qo‘yayotgani haqida xabarlar tarqaldi.
Kun.uz muxbirining xabar berishicha, Urgut tumanida ham ertalab boshlangan kuchli yomg‘ir hanuzgacha yog‘yapti. Tumandagi aksariyat soylarda, shuningdek, Urgut shahridagi ayrim ko‘chalarda sel oqmoqda. Sel tufayli jiddiy talafotlar sodir bo‘lmagan.
Eslatib o‘tamiz, “O‘zgidromet” joriy yilning 11-15 mart kunlari kuchli yomg‘irlar yog‘ishi sababli, respublikaning 9 ta viloyatida tog‘oldi va tog‘li hududlarida sel kelishi mumkinligidan ogohlantirgandi.
Mavzuga oid
12:50
OIIB Samarqandda o‘tadigan yillik yig‘ilishi dasturini e’lon qildi
09:54 / 20.09.2024
Samarqandda qizlarni O‘mon davlatiga fohishalikka jo‘natgan ayollarga sud hukmi o‘qildi
19:48 / 19.09.2024
Jizzaxda boshqaruvni yo‘qotgan “Lasetti” pastlikka ag‘darildi
12:16 / 14.09.2024