Hindistonlik yozuvchi Gitanjali Shri Buker mukofotiga sazovor bo‘ldi
Gitanjali Shri - uchta roman va bir nechta hikoyalar to‘plami muallifi. Uning asarlari ingliz, fransuz, nemis, serb va koreys tillariga tarjima qilingan.
Hindistonlik yozuvchi Gitanjali Shri adabiyot bo‘yicha xalqaro Buker mukofoti laureati bo‘ldi.
U Tomb of Sand («Qum qabr») asari uchun ushbu mukofotga loyiq deb topildi. Romandagi voqealar shimoliy Hindistonda bo‘lib o‘tadi. Bosh qahramon – erining o‘limi va qizi bilan og‘ir munosabatlar tufayli tushkunlikka tushgan 80 yoshli ayol. U Pokistonga boradi, u yerda og‘riqli xotiralar bilan yashaydi, lekin yakunda quvonchning yangi manbalarini topadi.
Kitobni Deyzi Rokvell ingliz tiliga o‘girgan, u ham tarjima uchun Buker mukofotiga sazovor bo‘ldi. «Qum qabr» — hind tilidan inglizchaga o‘girilgan va bu mukofotga loyiq topilgan birinchi roman.
Gitanjali Shri — uchta roman va bir nechta hikoyalar to‘plami muallifi. Uning asarlari ingliz, fransuz, nemis, serb va koreys tillariga tarjima qilingan. Shri 1957 yilda Maynpuri shahrida tug‘ilgan. U hozirda Nyu-Dehlida yashaydi.
Mavzuga oid
13:04 / 15.09.2024
Shoira Bibisora Turobova 72 yoshida vafot etdi
23:29 / 04.06.2024
Ogahiy nomidagi xalqaro mukofot ta’sis etildi
21:49 / 19.02.2024
Turkman shoiri va mutafakkiri Maxtumquli tavalludining 300 yilligi keng nishonlanadi
12:26 / 24.01.2024