Qamchiq dovonida yirik YTH oqibatida 4 kishi vafot etdi
Qamchiq dovonida yuk mashinasi haydovchisi bir necha avtomobil bilan to‘qnashgan va keyin yong‘in chiqqan.
Qamchiq dovonida 10 sentabr kuni odamlar o‘limi bilan yakunlangan yirik YTH yuz berdi. Bu haqda FVV matbuot xizmati xabar berdi.
Qayd etilishicha, YTH 10 sentabr kuni soat 22:46 da Toshkent—O‘sh xalqaro avtomobil yo‘li 247-kilometrida sodir bo‘lgan. Farg‘ona vodiysi tomon harakatlanayotgan Isuzu yuk mashinasi haydovchisi boshqaruvni yo‘qotib, bir nechta avtomobillarni urib yuborgan. To‘qnashuv natijasida ayrim avtomobillar yonib ketgan.
Hodisa oqibatida voqea joyida 3 kishi halok bo‘lgan, 5-7 kishi jarohatlangan. Zudlik bilan hodisa joyiga FVVning «Qamchiq» Maxsus qidiruv, yong‘in-qutqaruv boshqarmasidan 2 ta ekipaj va 1 ta avtoevakuator yetib borgan hamda yonayotgan mashinalar soat 23:50 da o‘chirilgan.
Shuningdek, qutqaruvchilar tomonidan voqea joyida jabrlanganlarga birinchi tibbiy yordam ko‘rsatilib, malakali tibbiy yordam ko‘rsatish uchun shifoxonaga yuborilgan. Oradan oz vaqt o‘tib shifoxonada yana bir nafar fuqaro vafot etgan.
Hozirda Qamchiq dovoni avtomobillar harakati uchun ochiq.
Mavzuga oid
14:04 / 22.09.2024
Toshkentda katta tezlikda harakatlangan haydovchi 19 yoshli qizning hayotiga zomin bo‘ldi
14:07 / 21.09.2024
Romitan hokimi yordamchisi sodir etgan YTHda maktab o‘quvchisi halok bo‘ldi
15:26 / 20.09.2024
Skuter va yuk mashinalariga doir taqiqlar, “radarlar” hamda YHXXning bekor bo‘layotgan vakolati – Senat yangi o‘zgarishlarni ma’qulladi
14:28 / 20.09.2024