AQSh Ukrainaga ilg‘or raketa tizimlarini yetkazib berishni rejalashtirmoqda
Avvalroq AQSh Ukrainaga yangi harbiy yordam paketini jo‘natishni rejalashtirayotgani ma’lum qilingandi.
AQSh milliy xavfsizlik kengashining strategik kommunikatsiyalar bo‘yicha koordinatori Jon Kirbi Qo‘shma Shtatlar Kiyevga ilg‘or raketa tizimlarini yetkazib berish niyatida ekanligini ma’lum qildi.
«Ularga sharq va janubdagi janglarda ehtiyoj sezayotgan qurol-yarog‘ va texnika beriladi. Bu nimalarni o‘z ichiga oladi. Artilleriya, ilg‘or raketa tizimlari», — dedi u.
Avvalroq Kirbi AQSh Ukrainaga yangi harbiy yordam paketini jo‘natishni rejalashtirayotganini ma’lum qilgandi.
So‘nggi kunlarda frontda jiddiy o‘zgarishlar kuzatilmoqda. Ukraina Rossiya bilan chegaradagi Xarkiv viloyatini deyarli to‘liq ozod qildi. Shuningdek, Ukraina Xerson yo‘nalishida ham keskin qarshi hujumga o‘tgan.
Ukraina 6 ming kvadrat kilometrdan ortiq hududdagi yuzlab aholi yashash manzillarini qaytarib oldi. G‘arb ekspertlari bu Ukraina frontda ustunlikni qo‘lga olganini anglatishi va bu holat urushda burilish nuqtasi bo‘lishi mumkinligini taxmin qilishmoqda.
Mavzuga oid
13:07 / 13.10.2024
«Chekmaydi va onda-sonda ozgina ichadi». Kamala Harris o‘z tibbiy kartasini e’lon qildi
21:00 / 12.10.2024
Ukrainadagi urushda qatnashgan o‘zbekistonlik ustidan Rossiyada sud boshlandi
19:32 / 12.10.2024
«Ukraina G‘arb siyosatida endi birinchi emas» - OAV
16:29 / 12.10.2024