Toshkentdagi ayrim sud binolarida o‘quv mashg‘ulotlari o‘tkazilmoqda 

Toshkent shahridagi ayrim sud binolarida huquqni muhofaza qiluvchi organ xodimlari bilan hamkorlikda o‘quv mashg‘ulotlari o‘tkazilmoqda. 

Poytaxt IIBB xabariga ko‘ra, bu kabi o‘quv mashg‘ulotlari strategik obektlarda xavfsizlik qoidalariga rioya etilishini tekshirish maqsadida o‘tkazib turiladi. 

“Hurmatli fuqarolar. Xavfsizlik qoidalariga rioya etishingizni va xavotirga berilmasligingizni so‘raymiz”, deyiladi ma’lumotda.

Bundan oldin ijtimoiy tarmoqlarda jinoyat ishlari bo‘yicha Uchtepa tumani va fuqarolik tumanlararo sudidan tashrif buyuruvchilar va sud xodimlari tashqariga chiqarib yuborilgani to‘g‘risida xabarlar tarqalgan edi.