Mask odamsimon robotni namoyish etdi
Robotning og‘irligi 73 kiloni tashkil etadi. Uning narxi 20 ming dollarga teng.
Tesla va SpaceX asoschisi Ilon Mask Optimus robotini namoyish etdi. Maskning so‘zlariga ko‘ra, robot fevralda ishlab chiqarilgan.
Mask taqdimot chog‘ida robotning gullarga suv quyayotgani, qutilarni tashiyotgani, Kaliforniyadagi zavodda metall simlarni ko‘tarayotgani aks etgan videoni ko‘rsatdi. Maskning so‘zlariga ko‘ra, Tesla bundan ham mukammalroq robotni ishlab chiqarishni mo‘ljallamoqda.
Keyingi avlod robotida Tesla butlovchi qismlari, jumladan, 2,3 kVt/s batareya, mikrosxemalar tizimidan foydalaniladi. Robotning og‘irligi 73 kiloni tashkil etadi. Uning narxi 20 ming dollarga teng.
Mask Tesla uch-besh yildan so‘ng Optimus uchun buyurtmalar olishni boshlashiga umid bildirdi. Uning aytishicha, hozirda mavjud odamsimon robotlarga «miya» va muammolarni mustaqil hal qilish qobiliyati yetishmaydi. Optimus esa «juda qobiliyatli robot» bo‘ladi.
Arizona shtati robototexnika universiteti professori Anri Ben Amor 20 ming dollar juda yaxshi taklif ekanligini aytdi, unga muqobil modellar narxi hozirda 100 ming dollar atrofida.
Mavzuga oid
17:10 / 21.09.2024
AQShda “politsiyachi” robot jinoyatchini tutib berdi
23:52 / 19.09.2024
AQSh Maxfiy xizmati Ilon Maskning o‘chirib yuborilgan tviti bo‘yicha tekshiruv boshladi
21:56 / 19.09.2024
Ramzon Qodirov Cybertruck elektromobili Ilon Mask tomonidan «o‘chirib qo‘yilganini» aytdi
20:28 / 18.09.2024