Qrim ko‘prigi bo‘ylab harakat qisman tiklandi
Qrim rahbari Sergey Aksyonov yarimorolni Rossiya bilan bog‘lovchi ko‘prikda transport vositalari harakati qisman tiklanganini e’lon qildi.
«Ayni vaqtda to‘liq ko‘rikdan o‘tgan avtomobillar va avtobuslar uchun harakat ochiq. Yuk avtomobillari haydovchilaridan Kerch parom kechuvi orqali yo‘nalishni rejalashtirishini so‘raymiz. Ikki soatdan keyin parom harakati ishga tushiriladi», deb yozdi u telegram kanalida.
Avvalroq, Qrim yarimorolini Rossiyaning quruqlikdagi qismi bilan bog‘lovchi ko‘prikda yirik yong‘in sodir bo‘lgan edi. Keyinchalik ma’lum bo‘lishicha, ko‘prikda yuk ortilgan avtomobil portlab ketgan. Zarba to‘lqini oqibatida temir yo‘ldan harakatlanayotgan yuk poyezdining sisternalarida yong‘in chiqqan. Milliy antiterroristik qo‘mita hodisani qo‘poruvchilik harakati deb baholadi.
Rossiya Tergov qo‘mitasi xabariga ko‘ra, portlash oqibatida uch kishi halok bo‘lgan. Ularning avtomobili portlab ketgan yuk avtomobilini quvib o‘tayotganida zarba to‘lqini ostida qolgan.
Yuk avtomobilining egasi ham aniqlangan. U Rossiyaning Krasnodar viloyatida istiqomat qiluvchi shaxs bo‘lib chiqqan. Uning yashash joyida surishtiruv harakatlari boshlangan.
Ma’lumot uchun, Rossiya 2014 yil Ukrainaning Qrim yarimorolini egallab olgach, hududni Rossiyaning quruqlikdagi qismi bilan bog‘lash uchun Kerch ko‘prigini qurgan edi. Ukraina urush boshlanganidan buyon Qrim ko‘prigiga zarba berishga haqli ekanini aytib kelayotgan edi.
Mavzuga oid
23:55 / 12.10.2024
Hindiston Rossiyaga taqiqlangan texnologiyalarni yetkazib bermoqda - Bloomberg
22:55 / 12.10.2024
Tojikiston Ombudsamni migrantlar huquqlari buzilayotgani sababli Rossiya rasmiylariga murojaat qildi
21:00 / 12.10.2024
Ukrainadagi urushda qatnashgan o‘zbekistonlik ustidan Rossiyada sud boshlandi
16:07 / 12.10.2024