Urgutda maktab direktori o‘quvchini urib, quloq pardasini yirtib yubordi
Maktabda kuzatuv kameralari o‘rnatilgan bo‘lsa ham bolaning kaltaklangani holati yozilgan tasvirlar o‘chirib yuborilgani aytilmoqda.
Ijtimoiy tarmoqlarda Samarqand viloyati Urgut tumanida joylashgan 61-maktab direktori 6-sinf o‘quvchisini paqildoq otishda ayblab urgani, oqibatda uning quloq pardasi yirtilib ketgani haqidagi xabarlar tarqaldi
Xabarlarda aytilishicha, bolalarga paqildoqni yashirincha maktab bufetida sotishgan. Bolaning o‘zi paqildoqni boshqa bola otganini, ammo diretor kelib uni urganini, yiqilib tushgach, tepganini aytgan.
Maktabda kuzatuv kameralari o‘rnatilgan bo‘lsa ham bolaning kaltaklangani holati yozilgan tasvirlar o‘chirib yuborilgani aytilmoqda. Bolaning otasi esa mahalla uchastka noziri ham holatga e’tiborsiz bo‘lganini bildirgan.
Viloyat IIb axborot xizmati rahbari Jahongir Sa’dullayev Urgutda maktab direktori o‘quvchini urib quloq pardasini yirtib yuborgani aytilgan holat yuzasidan Urgut tumani IIB tomonidan tergovga qadar tekshiruv harakatlari olib borilayotganini ma’lum qildi.
Avvalroq, Namangan viloyati Davlatobod tumanida joylashgan 58-maktabda o‘qituvchi o‘quvchini sinfdoshlarining oldida ayovsiz do‘pposlagandi. Hozirda unga nisbatan tuman IIB tomonidan jinoyat ishi qo‘zg‘atilgan.
Mavzuga oid
17:21 / 09.09.2024
“10 kunda 300 ming so‘mni 1 mln qilib qaytarasan” – Andijonda o‘quvchi maktabdoshini kaltakladi
10:54 / 02.08.2024
Urgutda yo‘ldan o‘tayotgan 3 yoshli bola Cobalt urib ketishi oqibatida vafot etdi
22:17 / 29.07.2024
Samarqandda sodir bo‘lgan mudhish «avariya»da uch kishi hayotdan ko‘z yumdi
14:04 / 19.06.2024