“O‘zbekistonda endigi islohotlar ta’lim va tibbiyotga qaratilishi kerak” - Shiksin Chen
O‘zbekiston iqtisodiy forumida so‘z olgan Osiyo taraqqiyot banki vitse-prezidenti Shiksin Chen mamlakat rasmiylarini ta’lim va sog‘liqni saqlashga ko‘proq e’tibor qaratishga chaqirdi. U aholisining katta qismi yoshlardan iborat mamlakat uchun ta’lim va tibbiyot ayniqsa muhimligini qayd etdi.
Samarqandda o‘tayotgan O‘zbekiston iqtisodiy forumining birinchi yalpi majlisida so‘zlagan Osiyo taraqqiyot banki vitse-prezidenti Shiksin Chen o‘z nutqida mamlakatdagi ta’lim va tibbiyotni modernizatsiya qilishning muhimligini ta’kidladi. Bu haqda Kun.uz muxbiri xabar bermoqda.
“O‘zbekistonda 2020 yilgi pandemiya sharoitida ham islohotlar amalga oshirildi, bu esa mamlakatdagi iqtisodiy o‘sishni ta’minlashga yordam berdi. Bu yutuqlarga asoslanib, Osiyo taraqqiyot banki yaqinda O‘zbekistonga iqtisodiyotni va aholining ijtimoiy himoyaga muhtoj qatlamlarini qo‘llab-quvvatlash uchun 500 million dollar miqdorida moliyaviy ko‘mak ajratishni ma’qulladi.
Mamlakatdagi keyingi islohotlar ta’lim va sog‘liqni saqlashni rivojlantirish va modernizatsiya qilishga qaratilishi kerak.
Bu – raqamli iqtisodiyotdagi dolzarb vazifalarning kuchayishi, demografik dividend va O‘zbekistonda yoshlarning yuqori ulushi mavjudligi, fan, texnologiya va injiniring rolini kuchaytirish zarurati bilan bog‘liq”, – dedi Shiksin Chen.
Mavzuga oid
10:30 / 21.09.2024
USAID O‘zbekistonda ta’limni qo‘llab-quvvatlash uchun qo‘shimcha mablag‘ ajratdi
09:30 / 20.09.2024
OTB O‘zbekistonda mikrokorxonalarni rivojlantirish uchun 300 mln dollar ajratadi
10:40 / 13.09.2024
Qatar o‘zbekistonlik talabalar uchun ta’lim grantlari sonini ko‘paytirishi mumkin
19:16 / 11.09.2024