20 yoshli eronlik dunyodagi eng pakana odam deb topildi
Uning bo‘yi atigi 64 santimetr.
20 yoshli eronlik yigit dunyodagi eng pakana odam sifatida Ginnessning rekordlar kitobiga kiritildi. Erkakning bo‘yi 64 santimetrga teng.
Rekord muallifi Afshin Ismoil Qodirzoda hisoblanadi. Ota-onasining so‘zlariga ko‘ra, o‘g‘il tug‘ilganda vazni atigi 600 gramm bo‘lgan. Shifokorlarning noxush bashoratiga qaramay, bola yashab ketgan.
Yigit o‘zining bo‘yi pakana ekanidan aslo siqilmaydi.
«Dunyodagi eng baland odam kimligini bilaman. Men uning kaftiga sig‘ardim», deb hazillashadi Qodirzoda.
Afshin jismoniy xususiyatlari tufayli ish topishda qiynalayotganidan shikoyat qiladi, ammo erishgan shuhrati oilasini moddiy jihatdan ta’minlashga yordam beradi degan umidda.
«Orzum - ota-onamga yordam berish. Balki, dunyo miqyosidagi e’tirof orzumni ro‘yobga chiqarishga yordam berar», deydi u.
Mavzuga oid
22:15 / 21.09.2024
Eron oliy rahnamosi 40 nafar chet el fuqarosini afv etdi
18:21 / 19.09.2024
Do‘stona davlatlar bo‘ylab turne. Shoyguning KXDR, Eron va Suriyaga tashriflari ortida nima bor?
11:10 / 17.09.2024
Toshkent va Xorazmda O‘zbekiston-Eron biznes-forumlari bo‘lib o‘tadi
22:54 / 16.09.2024